အဂုအခါ ရခိုင်ပြည်က လူငယ်ချေတိ အင်တာနတ်ဆိုင်မှာ ချက်တင်လို့ ခေါ်ရေ ဂျီတော့က နီဗျန် စာတိ ရီးကတ်ပါရေ ။ ယေအခါ တချို့ က အရီးကြီးရေ သတင်းတိကို ပီးချင်ကေလေး မပီးဝံ့ဘဲနင့် ဖြိုက်နီကတ် ရပါရေ ။ ယေဇူးနန့် ဂျီတော့မှာ စာရီးနည်းကို သိအောင် ပြောပီးလိုက်ရပါရေ။
ဒေပိုင် ဂျီတော့မှာ ရီးရေအခါ အနားက လူ လာလို့  ဟိကေ ပိတ်လိုက်တေဆိုစွာနင့် ယင်းစာရီးစွာတိကို ရှာလို့  မရလိုက်ပါဗျန် ။ ယင်းပိုင်ရာ လုပ်လိုက်ကေ အနားက ထောက်လှမ်းရီးလာလာ ၊ ပုလိပ်လာလာ ၊ ရဲလာ လာ ၊ သတင်းပီးလာလာ - တခုချေလေး ကြောက်စရာမလိုဘဲနင့် ကိုယ်ပီးချင်ရေ သတင်းအချက်အလက် တိကို ပီးလို့ ရပါဗျန်ကာ ။ လူမသိစီရေ နည်းက ဒေပိုင်ပါဒေ ။
ဂျီတော့မှာ ကိုယ့်သူငယ်ချင်းကို ဂျီတော့နင့် စာရီးပနာ လုပ်တေအခါ ( Call- Send files ) ကို မြင်ပါဖို့ ဒေ ။ ယင်းအနားက လေးထောင့်ပုံအကွက်မှာ မျှားချေကို မြင်ပါဖို့  ။ ယင်းမျှားချေကို ကလိပ်လုပ်လိုက်ကေ ( Sendfile - Email- Go offf the record ) ကို မြင်ပါဖို့ ယေ ။ ယေကေ Go off the record ကို ကလိပ်နှိပ် လိုက်ကေ စာတိကို ရီးချင်စွာ ရီးလို့  ရပါဗျန်ဒေ။ ယေကေ ရခိုင်ပြည်မှာ ဖြိုက်ပျက်နီရေ သတင်းအချက်အ လက်တိကို ပီးလို့ ရပါဗျန်မနားချင့် ။ ကိုယ်ရီးနီရေစာကို ပြန်လို့  စစ်ဆီးကြည့်ချင်ကေ ပိတ်ပလိုက်ဗြီးကေ Chat မှာ ကြည့်လိုက်ကေ တလုံးချေလေး မြင်ရဖို့ မဟုတ်ပါယေ ။
ယေဇူးနင့် ရခိုင်ပြည်က ကလေချေ တိ ပြည်ပကို သတင်းပို့ချင်ကေ အခုပိုင် လုပ်ပနာ ပို့ ပီးကတ်ပါလို့  ပြောကြားလိုက်ရပါရေ ။ အယင်က ရီးထားရေ စာတိကိုလေး ဖျက်ချင်ကေ Chats မှာ delect လုပ်ပနာ ဖျက်လိုက်ကေ အားလုံးပျောက်လား ပါယင့်။
အကယ်လို့ လေးဝတီကို ရခိုင်ပြည်နန့် ပတ်သတ်တေ သတင်းတိကိုပို့ချင်ရေဆိုကေ khaingtun83@gmail.com ကို ဆက်သွယ်ပီးပို့နိုင်ပါရေ။ လိုအပ်တေ အကြံအညာဏ်တိ၊ ရခိုင်အကျိုးပြုစာသားတိကို ပို့ပီးနိုင်ပါရေ။
အယင်ပို့စ်အဟောင်းကို ပြန်လည်း မျှဝီပီးလိုက်စော်ပါ။
.............................
လေးဝတီ